Deildakeppni BS═ - ni­urr÷­un

Deildakeppni BSÍ fer fram dagana 4. – 6. febrúar næstkomandi. Mótið er Íslandsmót liða í badminton þar sem keppt er í þremur deildum: Meistaradeild, A-deild og B-deild. Búið er að draga í mótið og má nálgast niðurröðun með því að smella hér.

Alls hafa 23 lið skráð sig til keppni í Deildakeppnina 2011 frá fimm félögum, Aftureldingu, BH, Einherja, ÍA og TBR. Í fyrra tóku einnig 23 lið þátt og árið þar á undan 21 þannig að keppnin heldur sig á svipuðu róli frá ári til árs.

Fyrirkomulagið í meistaradeildinni er þannig að fimm lið keppa í riðli, allir við alla. Sigurliðið er Íslandsmeistari og keppir fyrir hönd Íslands í Evrópukeppni félagsliða.

Í A-deildinni eru skráð til keppni tíu lið sem dregin hafa verið í tvo fimm liða riðla. Efstu liðin í hvorum riðli komast í úrslit og leika um 1.sætið og liðin í örðu sæti leika um 3.sætið. Liðin sem lenda í 3.sæti í riðlunum spila um 5. sætið og svona koll af kolli upp í 9.sætið.

Alls eru átta lið skráð til keppni í B-deildinni. Keppnisfyrirkomulag er þannig að leikið er í tveimur fjögurra liða riðlum. Efstu tvö liðin í hverjum riðli fara síðan í úrslitariðil þar sem leikið er um 1. – 4 .sæti. Liðin í þriðja og fjórða sæti keppast um 5. – 8 .sætið.

Keppni hefst á föstudegi klukkan 17:40 í A-deild og Meistaradeild klukkan 20:00. Fyrirliðar þurfa að skila inn liðsuppstillingum til mótsstjórnar eigi síðar en klukkan 17:10.

B-deildin hefur keppni á laugardeginum klukkan 9:00. Almenn regla er sú að liðsuppstillingum þarf að skila í það minnsta 30 mínútum áður en umferð hefst. Lið Deildakeppninnar 2011 þurfa sjálf að sjá um að telja eða útvega teljara á sína leiki.

Yfirdómari mótsins er Laufey Sigurðardóttir en aðrir í mótsstjórn eru stjórn og starfsmaður Badmintonsambands Íslands.

Athugið að tímasetningar hafa breyst lítillega frá því að mótið var birt á netinu í gærkvöldi. Niðurrröðun er birt með fyrirvara um villur. Mótsstjórn áskilur sér rétt til að gera lagfæringar ef þurfa þykir.

Smellið hér til að skoða nánari upplýsingar um Deildakeppni BSÍ.

Skrifa­ 1. febr˙ar, 2011
mg