Iceland International - spáð í spilin

Nú eru einungis þrír dagar þar til alþjóðlega mótið Iceland International hefst. Byrjað verður að keppa í tvenndarleik klukkan 10 á föstudagsmorguninn og í einliðaleik karla klukkan 11:10 sama dag.

20 erlendir keppendur eru skráðir í mótið og má búast við að Emil Vind frá Danmörku sé sigurstranglegur í einliðaleik karla en hann er í 179. sæti heimslistans.  Helgi Jóhannesson er raðaður númer 2 í einliðaleik karla en hann er í 292. sæti heimslistans.

Í einliðaleik kvenna er Ragna Ingólfsdóttir sigurstranglegust en hún er nú í 92. sæti heimslistans.  Anita Raj Kaur er röðuð í annað sæti en hún er í 125. sæti listans.

Undanúrslit verða seinni partinn á laugardaginn og úrslitaleikir verða spilaðir á sunnudaginn frá klukkan 10 til 14.

Smellið hér til að sjá niðurröðun og tímasetningar í mótinu.

Skrifað 9. nóvember, 2010
mg