Íslandsmót unglinga um helgina

Íslandsmót unglinga verður á Akranesi um helgina. Badmintondeild ÍA heldur mótið þetta árið.

Mótið hefst föstudaginn 5. mars klukkan 10:00. Áætluð mótslok eru sunnudaginn 7. mars klukkan 15:00. Keppendur eru 227 talsins frá 13 félögum, Aftureldingu, BH, Hamri, ÍA, Keflavík, KR, Samherja, TBA, TBR, TBS, UMF Þór, UMFH og UMSB. Spilaðir verða 444 leikir um helgina.

Á laugardagskvöldinu hefst kvöldvaka og bingó klukkan 20:30. Gist verður í Brekkubæjarskóla.

Mótsstjóri er Helgi Jóhannesson og mótsstjórn skipa Atli Jóhannesson, Róbert Þór Henn, Sigríður G. Bjarnadóttir, Guðlaugur Gunnarsson, Írena Jónsdóttir og Margrét Gunnarsdóttir.

Á föstudeginum hefst keppni klukkan 10 og áætluð lok dagsins er klukkan 20:00.

Á laugardeginum hefst keppni klukkan 9:00 og áætluð lok dagsins er klukkan 19:00. Keppni í U11 hefst klukkan 9:00 og áætluð lok keppni hjá U-11 er klukkan 11:00. Þá verða verðlaunapeningar afhentir fyrir þann flokk.

Á sunnudeginum hefst keppni klukkan 9:00 og áætluð lok dagsins er klukkan 15:00.

Smellið hér til að sjá niðurröðun og tímasetningar mótsins.

Prúðasta liðið fær bikar í lok mótsins.

Skrifað 2. mars, 2010
mg