Fjölmennt mót í Keflavík

Um helgina fór fram í íþróttahúsinu við Sunnubraut Sparisjóðsmót badmintondeildar Keflavíkur. Mótið var B&C mót unglinga opið þeim leikmönnum sem ekki hafa unnið til verðlauna á opnum mótum fyrir sitt félag.

Sparisjóðsmót Keflavíkur hefur verið árlegur viðburður í all mörg ár og verið eitt fjölmennasta badmintonmót unglinga yngri en 15 ára. Í ár varð engin breyting þar á enda keppendur um 130 sem mættu til leiks, frá 9 félögum.

Keppt var í þremur flokkum það er úrsláttarkeppni með aukaflokki í aldurshópunum u-15 og u-13 en riðla fyrirkomulag í aldurshópnum u-11 sem var fjölmennastur. Keppendur í u-11 fengu allir viðurkenningu fyrir þátttöku og fékk hver keppandi að spila 4-5 leiki en eingöngu var leikinn einliðaleikur , og mæltist þetta mjög vel fyrir. Í hinum aldurshópunum var leikið með útslátar fyrirkomulagi með aukaflokki í einliðaleik, og einnig var leikin tvíliðaleikur þar.

Mótið fór í alla staði mjög vel fram, og var stýrt af röggsemi af Jónasi Þorsteinssyni mótstjóra. Nánar um mótið má finna á heimasíðu Badmintondeildar Keflavíkur og heimasíðu mótsins.

Skrifađ 6. nóvember, 2007
ALS