Úrslit sunnudagsins í Kína

Þann 10. maí spilaði íslenska landsliðið 5 leiki gegn Portúgal. Ísland vann þrjá leiki af þessum 5 og vann því viðureignina 3-2.

Tinna Helgadóttir tapaði í einliðaleik kvenna gegn Telma Santos 15-21 og 14-21.

Magnús Ingi Helgason sigraði í einliðaleik karla gegn Pedro Martins 19-21, 21-16 og 21-18 Samkvæmt styrkleikalista Badminton Europe er Pedro Marins efstur á styrkleikalista unglinga í einliðaleik karla.

Í tvíliðaleik karla léku Magnús Ingi Helgason og Helgi Jóhannesson gegn Hugo Rodriguez og Fernando Silva. Magnús og Helgi sigruðu 21-13 og 21-18.

Í tvenndarleik léku Helgi Jóhannesson og Tinna Helgadóttir gegn Hugo Rodriguez og Telma Santos. Þau léku 3 lotur sem enduðu með sigri Íslendinganna 21-17, 13-21 og 21-18.

Þá léku Snjólaug Jóhannsdóttir og Karitas Ósk Ólafsdóttir í tvíliðaleik kvenna gegn Ana Moura og Helena Pestana. Þær töpuðu leiknum 21-15 og 21-13.

Íslenska landsliðið keppir gegn Litháen á morgun, 12. maí. Nánari upplýsingar um mótið má finna hér.

Skrifađ 11. maí, 2009
mg