Ólympíutímabiliđ senn á enda

Alþjóða Badmintonsambandið gaf út nýjan heimslista í gær, fimmtudag. Ragna Ingólfsdóttir stendur í stað milli vikna og er áfram í 56.sæti listans.

Næsti heimslisti sem gefin verður út á fimmtudaginn ræður úrslitum um það hvaða leikmenn vinna sér þátttökurétt á Ólympíuleikunum. Miðað við stöðu mála núna eru mjög litlar líkur á því að Ragna detti úr Ólympíusæti og stefnir því allt í að hún sé á leið til Peking í sumar. Það er auðvitað ekkert öruggt fyrr en Alþjóða Badmintonsambandið hefur gefið út lista yfir þá sem fá að taka þátt.

Smellið hér til að skoða heimslistann í badminton 24.apríl 2008.

 

Ragna Ingólfsdóttir

 

Skrifađ 25. apríl, 2008
ALS