Hvidovre áfram í fimmta sæti riðilsins

Drífa Harðardóttir leikur með Hvidovre 2 í dönsku þriðju deildinni. Liðið spilar í riðli þrjú og átti fimmta leik vetrarins um helgina. Leikurinn var gegn Skovshoved 3. Hvidovre 2 vann 7-6.

Drífa lék fyrsta tvenndarleik og fyrsta tvíliðaleik kvenna fyrir lið sitt. Tvenndarleikinn lék hún með Michael Poulsen gegn Christoffer Voldsgaard Holm og Filippa Koch Rode. Drífa og Poulsen unnu 21-12, 21-17. Tvíliðaleikinn lék hún með Louise Seiersen gegn Filippa Koch Rode og Sofie Nyvang sem unnu 22-20, 21-15.

Hvidovre 2 vann auk tvenndarleiks Drífu annan tvenndarleik, annan einliðaleik kvenna, fyrsta og þriðja einliðaleik karla, fyrsta og þriðja tvíliðaleik karla. 

Smellið hér til að sjá fleiri úrslit viðureignar Hvidovre 2 og Skovshoved 3.

Eftir þessa fimmtu umferð er Hvidovre 2 áfram í fimmta sæti riðilsins. Smellið hér til að sjá stöðuna í riðlinum.

Næsti leikur liðsins er gegn Lilleröd 2 laugardaginn 10. desember.

Skrifað 22. nóvember, 2016
mg