Hvidovre 2 vann Charlottenlund 7-6

Drífa Harðardóttir leikur með Hvidovre 2 í dönsku þriðju deildinni. Liðið spilar í riðli þrjú og lék þriðja leik vetrarins um helgina. Leikurinn var gegn Charlottenlund. Hvidovre 2 vann 7-6.

Drífa lék annan tvenndarleik og fyrsta tvíliðaleik kvenna fyrir lið sitt. Tvenndarleikinn lék hún með Michael Poulsen gegn Casper Haas Simonsen og Pernille Hulst. Drífa og Poulsen unnu 21-7 og 21-12. Tvíliðaleikinn lék hún með Louise Seiersen gegn Pernille Hulst og Marie-Louise Juul Ulrich. Drífa og Seiersen unnu 21-9 og 21-13.

Hvidovre 2 vann einnig fyrsta tvenndarleik, annan einliðaleik kvenna, annan einliðaleik karla, annan tvíliðaleik kvenna og fyrsta tvíliðaleik karla.

Smellið hér til að sjá fleiri úrslit viðureignar Hvidovre 2 og Charlottenlund.

Eftir þriðju umferð fer Hvidovre 2 upp um eitt til tvö sæti og er nú í fimmta til sjötta sæti riðilsins. Smellið hér til að sjá stöðuna í riðlinum.

Næsti leikur liðsins er gegn Taastrup Elite laugardaginn 29. október.

Skrifađ 10. oktober, 2016
mg