Taastrup Elite fellur um eitt sćti

Fjórði leikur dönsku þriðju deildarinnar var um helgina. Systkinin Drífa og Ragnar Harðarbörn spila með Taastrup Elite en liðið leikur í riðli fjögur í þriðju deild. Í deildinni eru fjórir riðlar. Taastrup Elite mætti í þessum leik Hvidovre 2 og tapaði 6-7.

Drífa lék fyrsta tvenndarleik og fyrsta tvíliðaleik kvenna fyrir lið sitt. Ragnar lék fjórða einliðaleik karla og fyrsta tvíliðaleik karla.

Tvenndarleikinn lék Drífa með Thomas Laybourn en þau mættu Søren Clausen og Karina Sørensen og töpuðu naumlega eftir oddalotu 21-15, 16-21 og 19-21. Tvíliðaleikinn lék hún með Katrine M. Hansen gegn Karina Sørensen og Katrine Liebst. Sá leikur fór einnig í odd og lauk með tapi Drífu og Hansen 21-19, 20-22 og 12-21.

Ragnar lék einliðaleik gegn Michael Poulsen og tapaði 18-21 og 17-21. Hann átti að leika tvíliðaleik með Thomas Laybourn gegn Christian Haustveit og Benjamin Hansen. Þeir gáfu leikinn.

Taastrup Elite vann báða einliðaleiki kvenna, fyrsta, annan og þriðja einliðaleik karla og annan tvíliðaleik kvenna.

Smellið hér til að sjá fleiri úrslit Taastrup Elite og Hvidovre 2.

Eftir þriðju umferð fellur Taastrup Elite af toppi riðilsins niður í annað sætið með níu stig. Smellið hér til að sjá stöðuna í riðlinum.

Næsti leikur liðsins er laugardaginn 11. nóvember næstkomandi gegn Fredriksberg.

Skrifađ 25. oktober, 2015
mg