Pólland hafði betur gegn Íslandi

U19 landsliðið lék annan leik sinn í Evrópukeppni U19 landsliða í Póllandi í morgun gegn heimaþjóðinni.

Einliðaleik karla lék Kristófer Darri Finnsson fyrir Íslands hönd gegn Krysztof Jakowczuk en hann tapaði 17-21 og 13-21. Einliðaleik kvenna lék Sigríður Árnadóttir gegn Stanisz Joanna. Sigríður tapaði fyrri lotunni 4-21. Sigríður meiddist í seinni lotunni þegar staðan var 10-15 fyrir þeirri pólsku og ljóst er að Sigríður spilar ekki meira í þessari keppni.

Pálmi Guðfinnsson og Daníel Jóhannesson léku tvíliðaleik gegn Aleksander Jablonski og Pawel Smilowski en þeir töpuðu 15-21 og 18-21. Arna Karen Jóhannsdóttir og Alda Karen Jónsdóttir léku tvíliðaleik kvenna gegn Magda Konieczna og Korelia Marczak og töpuðu 6-21 og 12-21.

Tvenndarleikinn spiluðu Daníel Jóhannesson og Arna Karen Jóhannsdóttir gegn Magdalena Swierczynska og Przemyslaw Szydlowski og töpuðu 16-21 og 11-21.

Með því lauk leiknum með sigri Pólland 5-0.

Smellið hér til að sjá fleiri úrslit dagsins í Evrópukeppni U19 landsliða.

Næsti leikur íslenska liðsins er á morgun gegn Litháen.

Skrifað 27. mars, 2015
mg