Taastrup Elite tapaði fyrir Ikast 2

Taastrup Elite, lið Drífu Harðardóttur í dönsku annarri deildinni, spilaði fyrsta leik sinn í umspili um hvaða lið falla í þriðju deild í gær.Liðið mætti Ikast 2 og tapaði 4-9.

Drífa lék annan tvenndarleik og fyrsta tvíliðaleik kvenna fyrir lið sitt. Tvenndarleikinn lék hún með Per Wedel Gerzymisch gegn Philip Seerup og Anina Nilsson. Drífa og Gerzymisch töpuðu eftir oddalotu 13-21, 21-18 og 15-21. Tvíliðaleikinn lék hún með Katrine M Hansen og þær töpuðu naumlega fyrir Karoline Synnestvedy og Sarah Fisker, einnig eftir oddalotu 21-14, 17-21 og 20-22.

Smellið hér til að sjá fleiri úrslit Taastrup Elite og Ikast 2.

Smellið hér til að sjá stöðuna í umspilinu en liðið er nú í fallhættu í neðsta sæti umspilsins.

Næsti leikur í umspilinu er laugardaginn 21.febrúar gegn Esbjerg.

 

Skrifað 2. febrúar, 2015
mg