Óskað eftir þjálfurum á þjálfaranámskeið í Slóveníu og á Grænlandi

Badmintonsamband Íslands óskar eftir þjálfurum til að taka þátt í þjálfaranámskeiðum sem haldin verða í tenglum við Sumarskóla Badminton Europe í Slóveníu 11. - 18. júlí og æfingabúðir á Grænlandi 10. - 16. ágúst.

Þjálfararnir verða jafnframt fararstjórar íslensku krakkanna sem verða valin til að taka þátt í þessum verkefnum. Sumarskólinn er fyrir aldurshópinn U17 og North Atlantic Camp er fyrir aldurshópana U13-U17.

Þjálfaranámskeiðin og allur ferðakostnaður eru á kostnað BSÍ.

Áhugasamir vinsamlegast hafið samband við Margréti fyrir lok febrúar.

Lesa má um Sumarskóla Badminton Europe með því að smella hér

Skrifað 27. janúar, 2015
mg