Reykjavíkurleikarnir hefjast í dag og badmintonkeppnin í unglingaflokkum á laugardaginn

Unglingameistaramót TBR, sem er hluti af Reykjavík International Games, verður um helgina í TBR húsunum við Gnoðarvog. Mótið, sem hefst á laugardaginn klukkan 9, er hluti af Dominos unglingamótaröð Badmintonsambandsins gefur stig á styrkleikalista unglinga.

Leikarnir hefjast formlega í dag, fimmtudag, með ráðstefnu um afreksíþróttír í HR. Keppt verður í níu íþróttagreinum fyrri helgi leikanna, badmintoni, bogfimi, frjálsum íþróttum, júdói, karate, kraftlyftingum, listhlaupi á skautum, sundi, og taekwondo. Seinni helgina verður keppt í 13 greinum; badmintoni en Iceland International er hluti af leikunum í annað sinn, borðtennis, dansi, fimleikum, hjólaspretti, keilu, ólympískum lyftingum, skíðum, skotfimi, skvassi og skylmingum.

Á Reykjavíkurleikunum er góð fyrirlestraröð. Fimm erindi verða flutt á ráðstefnunni um afreksþjálfun og eru fyrirlestrarnir á ensku eða íslensku. Erlendu fyrirlesararnir eru þeir Colin Jackson, þrefaldur heimsmeistari í frjálsíþróttum og silfurverðlauna hafi á Ólympíuleikum, og Dr. Antonio Urso,forseti Evrópska Lyftingasambandsins. Íslensku fyrirlesararnir eru Hafrún Kristjánsdóttir, sálfræðingur, Íris Mist Magnúsdóttir, fyrirliði íslenska kvennalandsliðsins í hópfimleikum, Kári Steinn Karlsson, einn fremsti langhlaupari landsins, Eyleifur Jóhannesson, þjálfari Heims- og Evrópumeistara Dana í sundi, og Rafn Líndal, yfirlæknir Norsk Idrettsmedisinsk Institutt. Smellið hér til að sjá dagskrá fyrirlestranna. Hægt er að skrá sig á fyrirlestrara með því að smella hér.

Laugardaginn 24. janúar verður sundlaugarpartý fyrir þátttakendur leikanna í Laugardalslauginni klukkan 16-22.
Á Unglingameistaramóti TBR verður leikið verður í öllum greinum í aldursflokkum U11 til U19. Þátttakendur eru um 180 talsins frá átta félögum, Aftureldingu, BH, ÍA, KR, Samherjum, TBR, UMF Skallagrími og UMF Þór í Þorlákshöfn. Að auki taka 46 keppendur frá Færeyjum þátt. Leiknir verða 380 leikir á mótinu um helgina.

Smellið hér til að sjá niðurröðun og tímasetningar á mótinu.

Skrifað 15. janúar, 2015
mg