Úrslit Unglingamóts Aftureldingar

Unglingamót Aftureldingar var haldið um helgina. Keppt var í öllum greinum í aldursflokkum U13 til U19 nema í kvennagreinum í U19. Mótið var hluti af Dominos unglingamótaröð Badmintonsambands Íslands og gaf stig á styrkleikalista unglinga. Sigurvegarar á mótinu voru eftirtaldir:

Í flokki U13 sigraði Baldur Einarsson TBR í úrslitum Gústav Nilsson TBR 24-22 og 23-21 í einliðaleik hnokka. Karolina Prus KR vann Lív Karlsdóttir TBR í úrslitum eftir oddalotu 21-17, 13-21 og 21-17 í einliðaleik táta. Í tvíliðaleik hnokka unnu Baldur Einarsson og Guðmundur Hermann Lárusson TBR Hákon Daða Gunnarsson og Steinþór Emil Svavarsson TBR í úrslitum eftir oddalotu 15-21, 21-11 og 21-15. Í tvíliðaleik táta unnu Anna Alexandra Petersen og Júlíana Karitas Jóhannsdóttir TBR í úrslitum Karolinu Prus KR og Lív Karlsdóttur TBR eftir oddalotu 16-21, 21-13 og 21-19. Í tvenndarleik unnu Gústav Nilsson og Lív Karlsdóttir TBR en þau sigruðu í úrslitum Baldur Einarsson og Júlíana Karitas Jóhannsdóttur TBR 21-18 og 21-15.

Í flokki U15 vann Andri Snær Axelsson ÍA í úrslitum Daníel Ísak Steinarsson TBR 21-15 og 21-17 í einliðaleik sveina. Þórunn Eylands TBR vann í úrslitum Ernu Katrínu Pétursdóttur TBR eftir oddalotu 19-21, 21-15 og 21-17 í einliðaleik meyja. Í tvíliðaleik sveina unnu Bjarni Þór Sverrisson og Eysteinn Högnason TBR en þeir unnu í úrslitum Atla Geir Alfreðsson og Einar Sverrisson TBR 21-19 og 21-13. Í tvíliðaleik meyja unnu Andrea Nilsdóttir og Erna Katrín Pétursdóttir TBR í úrslitum Hörpu Kristnýju Sturlaugsdóttur ÍA og Ingibjörgu Rósu Jónsdóttur 21-8 og 21-15. Í tvenndarleik unnu Daníel Ísak Steinarsson TBR og Andrea Nilsdóttir TBR. Þau unnu í úrslitum Einar Sverrisson og Þórunni Eylands TBR 21-15 og 21-16.

Í flokki U17 vann Steinar Bragi Gunnarsson ÍA en hann vann í úrslitum Atla Tómasson TBR eftir oddalotu 20-22, 21-16 og 21-11 í einliðaleik drengja. Margrét Dís Stefánsdóttir TBR vann í einliðaleik telpna en í flokknum var keppt í riðli. Í tvíliðaleik drengja unnu Andri Árnason TBR og Steinar Bragi Gunnarsson ÍA Elvar Má Sturlaugsson ÍA og Hauk Gylfa Gíslason Samherjum í úrslitum eftir oddalotu 21-15, 15-21 og 21-6. Í tvíliðaleik telpna unnu Margrét Dís Stefánsdóttir og Þórunn Eylands TBR Eyrúnu Björgu Guðjónsdóttur og Ingibjörgu Sóleyju Einarsdóttur BH 21-9 og 21-13. Í tvenndarleik unnu Andri Árnason og Margrét Dís Stefánsdóttir TBR eftir sigur á Símoni Orra Jóhannssyni og Úlfheiði Emblu Ásgeirsdóttur ÍA 21-7 og 21-17.

Í flokki U19 vann Kristófer Darri Finnsson TBR Róbert Inga Huldarsson BH í úrslitum 21-13 og 21-19 í einliðaleik pilta. Sigríður Árnadóttir TBR vann Örnu Karen Jóhannsdóttur TBR í úrslitaleik einliðaleiks stúlkna 21-16 og 21-18. Í tvíliðaleik pilta unnu Daníel Jóhannesson og Pálmi Guðfinnsson TBR í úrslitum Davíð Bjarna Björnsson og Kristófer Darra Finnsson TBR eftir hörkuspennandi oddalotu 21-19, 17-21 og 24-22. Tvíliðaleik stúlkna unnu Harpa Hilmisdóttir og Sigríður Árnadóttir TBR en keppt var í riðli í flokknum. Í tvenndarleik í flokki U19 unnu Kristófer Darri Finnsson og Margrét Nilsdóttir TBR en þau unnu í úrslitum Davíð Phuong og Örnu Karen Jóhannsdóttur TBR eftir oddalotu 21-16, 21-23 og 21-13.

Smellið hér til að sjá fleiri úrslit á Unglingamóti Aftureldingar. Næsta mót á Dominos unglingamótaröðinni er Jólamót unglinga 20. desember næstkomandi.

Skrifað 24. nóvember, 2014
mg