Deildakeppni BSÍ - niđurröđun og tímasetningar

Deildakeppni BSÍ fer fram dagana 21. - 23. febrúar næstkomandi. Mótið er Íslandsmót liða í badminton þar sem keppt er í þremur deildum: Meistaradeild, A-deild og B-deild. Búið er að draga í mótið og má nálgast niðurröðun með því að smella hér.

Alls hafa 18 lið skráð sig til keppni í Deildakeppnina 2014 frá sex félögum, Aftureldingu, BH, ÍA, KR, TBR og UMFS. Í fyrra tóku 20 lið þátt og árið þar á undan 25 þannig að aðeins færri lið eru skráð til keppni í ár en undanfarin ár.

Fyrirkomulagið í meistaradeildinni er þannig að fimm lið keppa í riðli, allir við alla. Sigurliðið er Íslandsmeistari og keppir fyrir hönd Íslands í Evrópukeppni félagsliða.

Í A-deildinni eru skráð til keppni átta lið sem dregin hafa verið í tvo riðla. Efstu tvö liðin í hvorum riðli keppa í útsláttarkeppni um 1. - 4. sætið. Liðin sem lenda í þriðja og fjórða sæti í riðlunum spila um 5. - 8. sæti.

Alls eru fimm lið skráð til keppni í B-deildinni. Keppnisfyrirkomulag er eins og í meistaradeild, allir keppa við alla í einum riðli.

Keppni hefst á föstudegi klukkan 18:00 í Meistaradeild og svo taka við leikir í A-deild klukkan 20. Keppni í B-deild hefst klukkan 9:00 á laugardag. Fyrirliðar þurfa að skila inn liðsuppstillingum til mótsstjórnar eigi síðar en klukkan 17:30 fyrir fyrstu umferð og síðan eigi síðar en hálftíma fyrir hverja umferð. Lið sem hefja umferð að morgni eiga að skila inn liðsuppstillingablöðum kvöldinu fyrir umferðina.

Lið Deildakeppninnar 2014 þurfa sjálf að sjá um að telja eða útvega teljara á sína leiki.

Yfirdómari mótsins er Laufey Sigurðardóttir og mótsstjóri er Sigríður Bjarnadóttir. Aðrir í mótsstjórn eru Margrét Gunnarsdóttir og María Skaftadóttir.

Niðurrröðun er birt með fyrirvara um villur. Mótsstjórn áskilur sér rétt til að gera lagfæringar ef þurfa þykir.

Smellið hér til að skoða reglur um Deildakeppni BSÍ, leikjafyrirkomulag og nánari upplýsingar.

Skrifađ 17. febrúar, 2014
mg