Aalborg Triton 3 vann leik sinn um helgina

Aalborg Triton 3, lið Egils Guðlaugssonar í dönsku deildinni, vann Langhøj 7-6 um helgina í fimmtu umferð deildarinnar.

Egill spilaði annan einliðaleik karla og annan tvíliðaleik karla fyrir lið sitt. Einliðaleikinn spilaði hann gegn Peter Østergaard og vann 21-16 og 21-15. Tvíliðaleikinn lék hann með Mads Petersen gegn Peter Østergaard og Peter Søvndal. Egill og Mads unnu 21-15 og 21-19. Aalborg Triton 3 vann einnig fyrsta tvenndarleik, fjórða einliðaleik karla, fyrsta tvíliðaleik kvenna og tvo tvíliðaleiki karla til viðbótar.

Smellið hér til að sjá fleiri úrslit í leiknum.

Eftir leikinn og þessa fimmtu umferð er Aalborg Triton 3 í fjórða sæti deildarinnar með tíu stig. Smellið hér til að sjá stöðuna í deildinni.

Næsti leikur Aalborg Triton 3 er sunnudaginn 8. desember gegn Herning.

 

Skrifað 18. nóvember, 2013
mg