Íslandsmót unglinga - annar dagur

Íslandsmót unglinga í badminton fer fram á Akranesi nú um helgina.

Annar dagur mótsins var í dag, laugardag. Mótið hefur gengið mjög vel og leikir hafa verið spennandi og margir endað með óvæntum úrslitum.

Keppni hófst í flokki U11 en leikir í þeim flokki eru ein lota upp í 21. Keppendur í U11 voru 32 talsins. Leikið var til úrslita í U11. Íslandsmeistarar eru Þorri Jökull Þorsteinsson KR í flokki snáða og í flokki snóta vann Lív Karlsdóttir TBR.

 

Íslandsmeistarar 2013 í flokki U11, Þorri Jökull Þorsteinsson KR og Lív Karlsdóttir TBR

 

Þá tóku við leikir í U13 og U15 og síðan U17 og U19. Spilað var fram í undanúrslit í einliðaleik í öllum flokkum en fram í úrslit í öðrum greinum.

Smellið hér til að sjá úrslit dagsins.

Á morgun fara fram undanúrslitaleikir sem hefjast klukkan 10. Keppni hefst á einliðaleikjum í flokki U13, þá U15 og svo U17 og U19. Þá taka við úrslitaleikir í einliðaleik sem hefjast klukkan 11:40. Úrslitaleikir í tvíliða- og tvenndarleikjum fara fram strax að loknum úrslitum í einliðaleikjum, um klukkan 13:40.

Áætluð mótslok eru klukkan 15.

Myndir frá mótinu má finna á Facebook síðu Badmintonsambands Íslands.

Skrifað 16. mars, 2013
mg