Undanúrslitum í tvíliðaleik karla lokið

Það verða Skotarnir Martin Campell og Patrick Machugh sem mæta Joe Morgan og Nic Strange (2) frá Wales í úrslitum í tvíliðaleik karla.

Campell og Machugh léku gegn Magnúsi Helgasyni og Helga Jóhannessyni. Skotarnir byrjuðu betur og unnu fyrstu lotuna 21 - 18. Magnús og Helgi mættu ákveðnir til leiks í næstu lotu og unnu hana 22 - 20. Í oddalotunni var jafnræði til að byrja með en síðan sigu Skotarnir fram úr og sigruðu að lokum 21 - 15.

Joe Morgan og Nic Strange sigruðu svo Danina Josua Eipe og Aske Högsted Lauritsen í tveimur lotum 21 - 11 og 21 - 17. 

Skrifað 10. nóvember, 2012
mg