Badmintonsamband Íslands óskar eftir þjálfurum til að taka þátt í þjálfaranámskeiðum sem verða haldin erlendis í sumar.
Í boði eru tvö námskeið:
Sumarskóli Badminton Europe í Slóveníu 4. - 11. júlí og North Atlantic Camp í Færeyjum - 10. - 16. ágúst.
Þjálfararnir verða jafnframt fararstjórar íslensku krakkanna sem verða valin til að taka þátt í þessum verkefnum. Sumarskólinn er fyrir aldurshópinn U15 og North Atlantic Camp er fyrir aldurshópana U13-U17.
Krafist er töluverðrar þjálfarareynslu og kunnáttu. Sumarskólanámskeiðið gefur þjálfaragráðu BWF Level 2 og þarf viðkomandi þjálfari sem fer þangað að hafa lokið þjálfaragráðu BWF level 1.
Þjálfaranámskeiðin og allur ferðakostnaður eru á kostnað BSÍ.
Vinsamlegast sendið inn upplýsingar um menntun og reynslu í þjálfun. Farið verður eftir reynslu og menntun þjálfara þegar valið verður úr umsóknum.
Áhugasamir vinsamlegast hafið samband við Kjartan fyrir 7.mars
Comments