TBR Opið 2022 fór fram í TBR húsum nú um helgina. Mótið er hluti af mótaröð Badmintonsambands Íslands og gefur stig á styrkleikalista sambandsins. Alls voru 80 keppandi á mótinu og margir mjög skemmtilegir og spennandi leikir.
Úrslit í Úrvalsdeild:
Í einliðaleik karla sigraði Daníel Jóhannesson TBR og Róbert Ingi Huldarsson BH varð í öðru sæti.
Í einliðaleik kvenna vann Lilja Bu TBR gull og Sólrún Anna Ingvarsdóttir BH silfur.
Í tvíliðaleik karla léku til úrslita Daníel Jóhannesson og Jónas Baldursson TBR gegn Davíð Phuong Xuan Nguyen og Róbert Inga Huldarsyni og þar sigruðu Daníel og Jónas.
Í tvíliðaleik kvenna unnu Sigríður Árnadóttir og Þórunn Eylands TBR gull og Sólrún Anna Ingvarsdóttir og Una Hrund Örvar BH silfur.
Í tvenndarleik unnu Davíð Bjarni Björnsson og Þórunn Eylands TBR gull og Gústav Nilsson TBR og Sólrún Anna Ingvarsdóttir BH silfur.
Úrslit í 1-deild :
Í einliðaleik karla sigraði Steinþór Emil Svavarsson BH og í öðru sæti varð Máni Berg Ellertsson ÍA.
Í einliðaleik kvenna vann Natalía Ósk Óðinsdóttir BH gull og Katla Sól Arnarsdóttir BH silfur.
Í tvliðaleik karla sigruðu Egill Sigurðsson og Jón Sigurðsson TBR og í öðru sæti urðu Einar Sverrisson og Þorkell Ingi Eriksson TBR.
Í tvíliðaleik kvenna sigruðu Áslaug Jónsdóttir og Lilja Bu TBR og í öðru sæti urðu Guðbjörg Jóna Guðlaugsdóttir og Sigrún Marteinsdóttir TBR.
Í tvenndarleik unnu Steinþór Emil Svavarsson og Natalía Ósk Óðinsdóttir BH gull og Egill Sigurðsson og Guðbjörg Jóna Guðlaugsdóttir silfur.
Úrslit í 2-deild:
Í einliðaleik karla vann Eggert Þór Eggersson TBR gull og Stefán Logi Friðriksson BH silfur.
Í einliðaleik kvenna sigraði Iðunn Jakobsdóttir TBR og í öðru sæti varð Hrafnhildur Magnúsdóttir TBR.
Í tvíliðaleik karla unnu Alexander Stefánsson og Arnar Freyr Bjarnason UMFA gull og Hrafn Örlygsson og Kári Þórðarson BH silfur.
Í tvíliðaleik kvenna sigruðu Hrafnhildur Magnúsdóttir og Iðunn Jakobsdóttir TBR og í öðru sæti urðu Erla Rós Heiðarsdóttir BH og Inga María Ottósdóttir UMFA.
Í tvenndarleik unnu Stefán Logi Friðriksson og Lena Rut Gígja BH gull og Adam Elí Ómarsson og Katla Sól Arnarsdóttir BH silfur.
Með því að smella hér er hægt að skoða öll nánari úrslit frá mótinu.
Comments