Tinna Helgadóttir landsliðsþjálfari og Jeppe Ludvigsen afreksstjóri / aðstoðarlandsliðsþjálfari hafa tilkynnt Badmintonsambandi Íslands að þau óski ekki eftir að framlengja samninga sína og munu því ljúka störfum í lok sumars. Tinna og Jeppe hafa skilað mjög góðu starfi til sambandsins og haft góðar og jákvæðar breytingar á afreksstarf sambandsins og hefur Badmintonsambandið hug á að halda áfram á þeirri braut. Nú fljótlega mun því fara í gang sú vinna að finna öflugan einstakling/a til þess að taka við keflinu af Tinnu og Jeppe.
Tinna og Jeppe munu fara með U15 ára landslið Íslands á Evrópumeistaramót U15 og síðan með karla- og kvennalandslið Íslands til Parísar þar sem Evrópumeistaramót karla- og kvennalandsliða fara fram. Þá eru einnig skipulagðar æfingabúðir landsliða nú í febrúar og apríl.
Comments