Stjórn Badmintonsambands Íslands hefur valið Daníel Jóhannesson og Drífu Harðardóttir badmintonfólk ársins 2021
![](https://static.wixstatic.com/media/dd8ead_53d57a80125749ada9efaa070d9c37b4~mv2.jpg/v1/fill/w_427,h_522,al_c,q_80,enc_auto/dd8ead_53d57a80125749ada9efaa070d9c37b4~mv2.jpg)
Daníel Jóhannesson er badminton-maður ársins árið 2021.Þetta er í fyrsta skiptið sem Daníel er valinn badminton-maður ársins. Daníel hefur spilað vel á árinu en hann varð íslandsmeistari í einliðaleik karla árið 2021 ásamt því að fá tvö silfurverðlaun í tvíliðaleik og tvenndarleik. Þetta var hans annar íslandsmeistaratitill en hann sigraði í tvíliðleik árið 2018. Hann var einnig efstur á stigalista bandminton-sambandsins í einliðaleik og tvenndarleik á árinu. Daníel hefur sigrað á öllu mótum ársins í einliðaleik.
![](https://static.wixstatic.com/media/dd8ead_a7c08031aac8413485c4489857323994~mv2.jpg/v1/fill/w_980,h_980,al_c,q_85,usm_0.66_1.00_0.01,enc_auto/dd8ead_a7c08031aac8413485c4489857323994~mv2.jpg)
Drífa Harðardóttir á farsælan feril að baki í badminton en þetta er í fyrsta skipti sem hún er valin badmintonkona ársins. Drífa er íslandsmeistari í tvíliðaleik og tvenndarleik árið 2021 og einnig heimsmeistari í tvíliðaleik og tvenndarleik í flokki 40-44 ára árið 2021. Drífa er búsett í Danmörku þar sem hún spilar í fyrir Hvidovre í dönsku deildinni. Drífa hefur 12 sinnum orðið íslandsmeistari í tvíliðaleik og tvenndarleik í badminton.
Comments