Kári Gunnarsson t.v og Atli Jóhannesson t.h
Eftir þriggja ára starf hjá Badmintonsambandi Íslands hefur Atli Jóhannesson, aðstoðarlandsliðsþjálfari í badminton, ákveðið að láta af því starfi hjá sambandinu. Atli hefur þjálfað A landslið og unglingalandslið Íslands síðustu þrjú ár með góðum árangri.
Badmintonsambandið þakkar Atla innilega fyrir gott starf í þágu íþróttarinnar. Atli mun þó ekki segja alfarið skilið við þjálfun en hann mun áfram starfa sem þjálfari keppnishópa hjá Tennis- og badmintonfélagi Reykjavíkur líkt og hann hefur gert síðustu ár.