Kári Gunnarsson spilaði í gær í 8 manna úrslitum í einliðaleik karla á 2019 Carebaco International. Í 8 manna úrslitunum mætti hann Milan Dratva frá Slóveníu. Tapaði Kári fyrstu lotunni 14-21 en vann aðra lotuna 21-12 og þá þriðju 21-14. Munu undanúrslitin fara fram í dag þar sem Kári mætir Timothy Lam frá Bandaríkjunum en hann er í 116.sæti heimslistans í einliðaleik karla og er því von á jöfnum og spennandi leik.
Á hinum vængnum mætast í dag Sam Parsons frá Englandi og Samuel O'Brien Ricketts frá Jamaíku.