Deildakeppni BSÍ fer fram í húsum TBR, Gnoðarvogi 1, dagana 15-17. febrúar.
Alls taka 17 lið frá fjórum félögum þátt í keppninni en keppt er í þremur deildum, Meistaradeild, A-deild og B-deild.
Mynd af sigurliðinu síðan í fyrra
Fyrirkomulagið í meistaradeild er þannig að fim lið keppa í riðli, allir við alla. Sigurliðið er Íslandsmeistari og félagið keppir fyrir höndi Íslands í Evrópukeppni félagsliða.
Í A-deild eru skráð til keppni fjögur lið sem keppa í einum riðli, allir við alla.
Sjö lið eru skráð til keppni í B-deild og verður keppt í tveimur riðlum og fara efstu tvö liðin úr hvorum riðli í útsláttakeppni. Þau lið sem lenda í 3.-4. sæti í hvorum riðli leika svo sín á milli um 5. - 7. sætið.
Hvetjum við alla til að kíkja í TBR húsið um helgina og fylgjast með gríðarlega spennandi keppni.
Hér er hægt að nálgast allar nánari upplýsingar varðandi tímasetningar og niðurröðun mótsins.
Laufey Sigurðardóttir er yfirdómari mótsins.