Badmintonsambönd Norðurlandanna hafa um árabil haldið æfingabúðir árlega sem kallast Nordic Camp. Hverju landi er boðið að senda sex þátttakendur úr aldursflokknum U15/U17 á hverju ári. Einnig geta löndin sent þjálfara á námskeið sem er haldið samhliða æfingabúðunum. Í ár er smá breyting á þar sem Svíþjóð og Finnland munu ekki senda þátttakendur. Vegna þessa býðst Íslandi, Noregi og Færeyjum að senda fleiri þátttakendur. Í ár verða Nordic Camp búðirnar haldnar í Þórshöfn, Færeyjum. Tinna Helgadóttir landsliðsþjálfari og Atli Jóhannesson aðstoðarlandsliðsþjálfari hafa valið þátttakendur fyrir Íslands hönd. Fyrir valinu urðu :
Steinar Petersen TBR
Eiríkur Tumi Bríem TBR
Gabríel Ingi Helgason BH
Kristian Óskar Sveinbjörnsson BH
Gústav Nilsson TBR
Steinþór Emil Svavarsson BH
Rakel Rut Kristjánsdóttir BH
Ragnheiður Birna Ragnarsdóttir TBR
Júlíana Karitas Jóhannsdóttir TBR
Miðað við upplifun leikmanna og þjálfara undanfarin ár á hópurinn von á skemmtilegum æfingabúðum og góðri þjálfun.
Nordic Camp fer fram dagana 3.-10. ágúst. Kristófer Darri Finnsson TBR fer á þjálfaranámskeiðið og verður jafnframt fararstjóri hópsins.