Minnum á síđasta skráningardag á Badmintonţjálfari 1B

Helgina 21. – 23. janúar næstkomandi mun Badmintonsamband Íslands halda þjálfaranámskeiðið Badmintonþjálfari 1B. Námskeiðið er framhald af námskeiðinu Badmintonþjálfari 1A.

Á námskeiðinu verður meðal annars farið yfir tækni og leikfræði samkvæmt skilgreiningum Badmintonbókarinnar. Þá var fjallað um hreyfiþroska og hreyfiþroskaþjálfun með ýmsum hætti.

Næsta þjálfaranámskeið Badmintonsambandsins, Badmintonþjálfari 1C, verður haldið helgina 18. – 20. febrúar. Til að geta tekið þátt í því námskeiði er nauðsynlegt að hafa lokið Badmintonþjálfara 1A og 1B.

Hvert námskeið er 20 kennslustundir og má gróflega áætla að tímasetningar þeirra verði föstudag kl. 18-23, laugardag kl. 9-16 og sunnudag kl. 9-14.

Kostnaður

1B kr. 10.000 og 1C kr. 10.000.

Badmintonbókin – Kennsluskrá BSÍ eftir Kenneth Larsen er innifalin í námskeiðsgjaldi Badmintonþjálfara 1A. Bókin er notuð til kennslu á öllum þjálfaranámskeiðum BSÍ. Í lausasölu kostar bókin 5.000 kr.

Inntökuskilyrði Lágmarksaldur til þátttöku í þjálfara 1 er 16 ár. Til að geta tekið þjálfara 1B þurfa þjálfarar að hafa lokið námskeiði 1A og til að geta tekið 1C þarf að ljúka bæði 1A og 1B. Að stigi 1 loknu á þjálfarinn að geta skipulagt og stjórnað æfingatíma hjá börnum og unglingum á byrjendastigi.

Íþróttahreyfingin hefur samræmt kerfi er við kemur menntun þjálfara. ÍSÍ sér um að kenna almennan hluta námsins en BSÍ sér um sérhæfðan badmintonhluta. Upplýsingar um almennan hluta ÍSÍ má nálgast á heimasíðunni www.isi.is.

Badmintonhreyfingin á Íslandi er ekki mjög stór og því ekki oft hægt að halda sömu námskeiðin. Við hvetjum ykkur til að nýta námskeiðin sem nú verða í boði og senda unga og efnilega þjálfara á námskeið ásamt þeim sem vilja rifja upp og/eða læra nýjar aðferðir.

Skráningar óskast sendar á netfangið bsi@badminton.is með upplýsingum um nafn og kennitölur þátttakenda ásamt upplýsingum um kennitölu greiðanda.

Síðasti skráningardagur á Badmintonþjálfari 1B er föstudagurinn 14. janúar næstkomandi.

Skrifađ 12. janúar, 2011
mg