Meistaramót Íslands - fyrsti dagur

Í dag kl. 19:00 hefst keppni á Meistaramóti Íslands í badminton. Mótið fer fram í TBR húsunum við Gnoðarvogi.

Keppni dagsins hefst á einliðaleik karla í Meistaraflokki en um hálftíma síðar verður leikin fyrsta umferð í einliðaleik í A-flokki karla og síðan tekur við umferð í einliðaleik karla í B-flokki. Önnur umferð í einliðaleik meistaraflokks karla hefst síðan kl. 20:15. Áætlað er að keppni föstudagsins ljúki um kl. 22:00.

Í dag verður leikinn 31 leikur. Á meistaramótinu verða leiknir alls 187 leikir en 147 keppendur eru skráðir til leiks.

Á morgun, laugardag, hefst keppni klukkan 9:00.

Smellið hér til að skoða dagskrá dagsins og nánari tímasetningar einstakra leikja.

Skrifað 26. mars, 2010
mg