Deildakeppni BSÍ hefst í dag

Deildakeppni BSÍ, Íslandsmót liða í badminton, hefst kl. 19.00 í TBR húsunum í dag.

Keppni hefst í tveimur deildum í kvöld, Meistaradeild og B-deild. Lið í A-deild hefja ekki keppni fyrr en á morgun. Smellið hér til að skoða leiki dagsins.

Til keppni að þessu sinni er skráð 23 lið frá fjórum í félögum auk eins gestafélags frá Englandi. Mestur fjöldi liða er í B-deildinni eða níu lið. Í A-deild eru skrá átta lið og í Meistaradeildinni sex.

Fyrirkomulagið í meistaradeildinni er þannig að sex lið keppa í riðli, allir við alla. Sigurliðið er Íslandsmeistari og keppir fyrir hönd Íslands í Evrópukeppni félagsliða.

Í A-deildinni eru liðin átta dregin í tvo fjögurra liða riðla. Efstu tvö liðin í hvorum riðli komast í undaúrslit þar sem sigurvegararnir leika um 1. sæti og tapliðin leika um 3. sætið. Liðin sem lenda í 3. – 4. sæti í riðlunum spila með sama hætti um 5. – 8. sætið.

Keppnisfyrirkomulagið í B-deildinni er þannig að leikið er í þremur þriggja liða riðlum. Sigurvegarar í hverjum riðli fara síðan í úrslitariðil þar sem leikið er um 1. – 3. sæti. Liðin í öðru sæti keppa í riðli um 4. – 6. sætið og þau sem lenda í 3. sæti í sínum riðli keppast um 7. – 9. sætið.

Smellið hér til að skoða nánari upplýsingar um Deildakeppni BSÍ.

Skrifað 5. janúar, 2010
mg