Fyrsti dagur á Iceland International

Ragna Ingólfsdóttir mætti sterk til leiks í einliðaleik kvenna en hút sat hjá í 1. umferð. Hún mætti dönskum mótherja, Christinu Andersen, í 2. umferð og vann í tveimur lotum 21:15 og 21:7.

Í einliðaleik karla eru allir Íslendingarnir úr leik en þeir Kári Gunnarsson og Róbert Þór Henn sem komust báðir í 2. umferð töpuðu fyrir andstæðingum sínum.

Kári Gunnarsson mætti Steinari Klausen frá Noregi beið lægri hlut 12:21 og 15:21.

Róbert Þór Henn mætti Róbert Georg frá Þýskalandi og beið einnig lægri hlut í tveimur lotum.

Þar með eru allir Íslendingarnir úr leik í einliðaleik karla.

Í 8 liða úrslitum eru 5 frá Danmörku, Walesverji, Þjóðverji og Norðmaður.

Keppni hefst aftur í fyrramálið klukkan 10 með leikjum í 8 liða úrslitum í tvenndarleik. Síðan taka við leikir í einliða og tvíliðaleik karla og kvenna.

Skrifað 6. nóvember, 2009
mg