Skráningu á Meistaramót Íslands lýkur senn

Meistaramót Íslands verður haldið í Íþróttahúsinu við Strandgötu í Hafnarfirði í samvinnu við Badmintonfélag Hafnarfjarðar dagana 27. - 29. mars nk. 

Keppt verður í Meistaraflokki, A-flokki, B-flokki, Æðstaflokki og Heiðursflokki.  Spilað verður í öllum flokkum ef næg þátttaka fæst.

Þátttöku skal tilkynna til BSÍ á bsi@badminton.is í síðasta lagi fimmtudaginn 19. mars.  Þátttökugjöld eru kr. 2.500 í einliðaleik og 1.800 í tvíliða- og tvenndarleik.

Þeir sem eru með farandbikara í sínum fórum eru beðnir um að skila þeim í TBR-húsið í seinasta lagi í dag, 17. mars.

Skrifað 17. mars, 2009
mg