Gˇ­ r÷­un fyrir ═slendinga ß EM

Badminton Europe birti í dag niðurröðun fyrir Evrópumótið í badminton sem fram fer í Liverpool á Englandi í febrúar. Á mótinu er keppt í sameiginlegum liðum karla og kvenna þar sem leiknir eru fimm leikir í hverri viðureign tveggja þjóða.

Þjóðunum 32 sem þátt taka í mótinu hefur verið skipt niður í átta fjögurra liða riðla. Ísland lendir í riðli með Ítalíu, Ungverjalandi og Úkraínu sem fyrirfram er talin sterkasta þjóðin í riðlinum. Segja má að röðunin sé nokkuð góð fyrir Ísland því Úkraína er talið veikast af þjóðunum átta sem raðað er í mótið.
Á síðasta Evrópumóti lenti Ísland í 13.sæti og hélt sér uppi á meðal A-þjóða Evrópu. Í ár leika A og B þjóðirnar hinsvegar saman og komast aðeins sigurvegararnir í hverjum riðli áfram í útsláttarkeppni um Evrópumeistaratitilinn.

Miðað við stöðu mála á pappírunum verður að teljast ólíklegt að íslenska landsliðinu takist að komast uppúr riðlakeppni mótsins. Úkraína og Ísland hafa tvisvar mæst í badmintonlandsleik þar sem Ísland beið lægri hlut 0-5 í bæði skiptin. Leikmenn Úkraínu eru almennt ofar á heimslistum heldur en þeir íslensku og því taldir líklegri sigurvegarar. Hinsvegar er góðir möguleikar á því að íslenska liðinu takist að vera í öðru sæti í riðlinum því íslenskt landslið hefur aldrei tapað fyrir Ítalíu í landsleik og oftar unnið Ungverja heldur en tapað fyrir þeim.

Smellið hér til að skoða umfjöllun Badminton Europe um mótið og hér til að skoða niðurröðun keppninnar.

Íslenska landsliðið. Efri röð Árni Þór Hallgrímsson, landsliðsþjálfari, Ragna Ingólfsdóttir, Sara Jónsdóttir, Tinna Helgadóttir, Katrín Atladóttir og Vignir Sigurðsson, stuðningsmaður nr. 1. Neðri röð Bjarki Stefánsson, Atli Jóhannesson, Helgi Jóhannesson og Magnús Ingi Helgason.

Skrifa­ 18. nˇvember, 2008
ALS