Iceland SPRON International 2008 fellt ni­ur

Stjórn Badmintonsambands Íslands hefur ákveðið að fella niður alþjóðlega badmintonmótið Iceland SPRON International sem átti að fara fram hér á landi 6.-9.nóvember næstkomandi. Mótið er hluti af Evrópsku mótaröðinni og gefur stig inn á heimslistann.

Badmintonsambandið harmar það mjög að þurfa að taka þá ákvörðun að fella niður mótið í þeirri mynd sem það átti að vera. Einn stærsti útgjaldaliður mótsins er verðlaunafé sem greitt er í dollurum sem hafa hækkað um helming frá síðasta ári auk þess sem annar erlendur kostnaður hefur hækkað af sama skapi. Stærsti styrktaraðili mótsins SPRON hefur þó staðið við sín loforð varðandi mótið.

Badmintonsambandið hefur hug á því að halda opið mót þessa sömu helgi ásamt SPRON þar sem erlendum gestum er boðin þátttaka. Framhaldið mun skýrast á næstunni.

Skrifa­ 9. oktober, 2008
ALS