Síðasti skráningardagur í Badmintonskólann á morgun

Á morgun föstudag er síðasti skráningardagur í Badmintonskóla BSÍ 2008. Badmintonskólinn fer fram dagana 30.-31.ágúst. Um er að ræða æfingabúðir fyrir leikmenn fædda 1993-1996. Fjölbreyttar æfingar verða á dagskránni ásamt því að leikmönnum verður boðið uppá léttan hádegisverð milli æfinga. Þátttökugjaldið er 6.500 kr.

Æfingabúðirnar eru hugsaðar fyrir vana leikmenn sem taka reglulega þátt í mótum. Enginn hámarksfjöldi þátttakenda er frá hverju félagi heldur geta allir sem vilja skráð sig. Athugið þó að mest er hægt að taka á móti 40 leikmönnum og gildir viðmiðið fyrstir koma fyrstir fá. Skráningar berist á netfangið annalilja@badminton.is með upplýsingum um nafn, kennitölu, símanúmer, tölvupóstfang og félag.

Smellið hér til að skoða nánari upplýsingar um Badmintonskóla BSÍ 2008.

Badmintonstrákur SPRON   Badmintonstelpa SPRON

 

 

Skrifað 21. ágúst, 2008
ALS