Danir sigursælir í undanúrslitum Evrópukeppninnar

Undanúrslit Evrópukeppni landsliða voru leikin í Almere í Hollandi í dag.

Í keppni kvennalandsliða mættust Danir og Þjóðverjar annarsvegar og Hollendingar og Skotar hinsvegar. Þjóðverjar voru fyrirfram taldir sigurstranglegri en Danir í fyrri undanúrslitaleiknum. Þjóðverjar urðu hinsvegar að leika undanúrslitaleikinn án sinnar sterkustu konu, Xu Huaiwen, sem var veik og er líklegt að það hafi kostað þá sigurinn í dag. Reyndar átti danska liðið greynilega mjög góðan dag því þeir unnu fyrstu tvo einliðaleikina nokkuð óvænt. 3-1 sigri danska liðsins var því óspart fagnað í Hollandi í dag. Í leik Hollands og Skotlands voru Hollendingar fyrirfram taldir sigurstranglegri og stóðu þeir undir væntingum og sigruðu örugglega 3-0.

Í keppni karlalandsliða mættust Þjóðverjar og Danir annarsvegar og Pólverjar og Englendingar hinsvegar. Báðar viðureignir fóru eftir bókinni þar sem Danir sigruðu Þjóðverja 3-1 og Englendingar sigruðu Pólverja 3-0.

Á morgun sunnudag verða leiknir úrslitaleikir mótsins, bæði verður leikið um fyrsta og þriðja sætið. Sigurvegararnir verða að sjálfsögðu krýndir Evrópumeistarar. Þá vinna þrjú efstu liðin sér þátttökurétt á Heimsmeistarakeppni landsliða (Thomas og Uber Cup) sem fram fer í Indónesíu í maí.

Smellið hér til að fylgjast með gangi mála á Evrópukeppni landsliða í Hollandi.

Skrifað 16. febrúar, 2008
ALS