Hápunktur vetrarins er um helgina

Um helgina fer Meistaramót Íslands í badminton fram í ÍTBR húsunum við Gnoðarvog. Mótið er að flestra mati hápunktur badmintonársins enda keppt um Íslandsmeistaratitlana eftirsóttu.

Til keppni eru skráðir 124 leikmenn frá níu félögum, Aftureldingu, BH, Hamri, ÍA, KR, Samherjum, TBR, UMFS og UMF Þór. Flestir keppendur koma úr TBR eða 66 en næst fjölmennastir eru BH-ingar sem eru 23 talsins.

Dagskrá helgarinnar er eftirfarandi:

Föstudagur
kl. 17:30-20 Fyrstu umferðir mótsins í tvenndarleik

Laugardagur
kl. 9-13 Sextán og átta liða úrslit
kl. 14-19 Undanúrslit og úrslit í Heiðursflokki

Sunnudagur
kl. 10-13 Úrslitaleikir í meistaraflokki
kl. 13:30 Úrslitaleikir í A-, B- og Æðstaflokki

Nánari tímasetningar og niðurröðun mótsins má finna með því að smella hér.

Badmintonáhugafólk er hvatt til að líta við í TBR um helgina og fylgjast með besta badmintonfólki landsins berjast um Íslandsmeistaratitlana 2017. RÚV sýnir frá úrslitum Meistaramóts Íslands í upptekinni úrsendingu á sunnudeginum sem hefst klukkan 12 en tekið er fram að leikirnir hefjast klukkan 10.

Skrifađ 6. apríl, 2017
mg