Landsbankamót ÍA er um helgina

Landsbankamót ÍA verður um helgina í íþróttahúsinu við Vesturgötu á Akranesi. Mótið, sem hefst klukkan 10 á laugardag, er hluti af Dominos unglingamótaröð Badmintonsambands Íslands og gefur stig á styrkleikalista unglinga.

Leikið verður í öllum greinum í aldursflokkum U13 til U19.

Keppendur eru 81 talsins frá sjö félögum, BH, ÍA, KR, Samherjum, TBR, UMF Skallagrími og UMF Þór.

Flokkar U15-U19 spila á laugardaginn til úrslita en þann dag hefst keppni klukkan 10. Flokkar U11-U13 spila á sunnudaginn. Keppni í flokki U11 hefst klukkan 10 og keppni í U13 klukkan 12:40.

40 ára afmæli ÍA hefst klukkan 16 á laugardeginum.

Smellið hér til að sjá niðurröðun og tímasetningar á mótinu.
Skrifað 24. febrúar, 2017
mg