Þjálfaranámskeið í sumar

Badmintonsamband Íslands óskar eftir þjálfurum til að taka þátt í þjálfaranámskeiðum sem verða haldin erlendis í sumar.

Í boði eru þrjú námskeið:
Sumarskóli Badminton Europe í Slóveníu 8. - 15. júlí
North Atlantic Camp í Færeyjum 7. - 14. ágúst
Nordic Camp í Noregi 7. - 11. ágúst.

Þjálfararnir verða jafnframt fararstjórar íslensku krakkanna sem verða valin til að taka þátt í þessum verkefnum. Sumarskólinn er fyrir aldurshópinn U17, North Atlantic Camp er fyrir aldurshópana U13-U17 og Nordic Camp fyrir aldurshóp U15.

Krafist er töluverðrar þjálfarareynslu og kunnáttu. Til að fara í Sumarskólann þarf að vera með þjálfaragráðu BWF Level 1 þar sem þetta námskeið gefur þjálfaragráðuna BWF Level 2.

Þjálfaranámskeiðin og allur ferðakostnaður eru á kostnað BSÍ.

Vinsamlegast sendið inn upplýsingar um menntun og reynslu í þjálfun. Farið verður eftir reynslu og menntun þjálfara þegar valið verður úr umsóknum.

Áhugasamir vinsamlegast hafið samband við Margréti fyrir lok febrúar.

 

Skrifað 15. febrúar, 2017
mg