Úrslit Unglingamóts Aftureldingar

Unglingamót Aftureldingar var haldið um helgina. Keppt var í aldursflokkum U13 til U19. Mótið var hluti af Dominos unglingamótaröð Badmintonsambands Íslands og gaf stig á styrkleikalista unglinga. Sigurvegarar á mótinu voru eftirtaldir:

Í flokki U13 sigraði Gabríel Ingi Helgason BH í úrslitum Kristian Óskar Sveinbjörnsson BH eftir spennandi oddalotu 21-23, 21-18, 22-20 í einliðaleik hnokka. María Rún Ellertsdóttir ÍA vann Lilju Bu TBR í úrslitum, einnig eftir æsispennandi oddalotu 14-21, 23-21, 23-21 í einliðaleik táta. Í tvíliðaleik hnokka unnu Gabríel Ingi Helgason og Gabríel Ingi Helgason BH Stefán Eiríksson og Steinar Petersen TBR í úrslitum 21-8, 21-11. Í tvíliðaleik táta unnu Lilja Bu og Sigurbjörg Árnadóttir TBR í en keppt var í riðli í greininni. Í tvenndarleik unnu Gabríel Ingi Helgason BH og María Rún Ellertsdóttir ÍA en þau sigruðu í úrslitum Steinar Petersen og Sigurbjörgu Árnadóttur TBR 21-17, 21-18. Gabríel Ingi vann því þrefalt á þessu móti.

Í flokki U15 vann Steinþór Emil Svarsson BH í úrslitum Sigurð Patrik Fjalarsson KR 21-15, 21-18 í einliðaleik sveina. Ragnheiður Birna Ragnarsdóttir TBR vann í úrslitum Karolinu Prus KR eftir oddalotu 21-16, 19-21, 21-19 í einliðaleik meyja. Í tvíliðaleik sveina unnu Gústav Nilsson og Stefán Árni Arnarsson TBR en þeir unnu í úrslitum Magnús Má Magnússon og Sigurð Patrik Fjalarsson KR 22-20 og 21-16. Í tvíliðaleik meyja unnu Berglind Magnúsdóttir og Karolina Prus KR í úrslitum Katrínu Völu Einarsdóttur BH og Lív Karlsdóttur TBR eftir oddalotu 18-21, 21-14 og 21-17. Í tvenndarleik unnu Steinþór Emil Svavarsson og Katrín Vala Einarsdóttir BH. Þau unnu í úrslitum Sigurð Patrik Fjalarsson og Karolinu Prus KR 21-17, 21-18.

Í flokki U17 vann Einar Sverrisson TBR en hann vann í úrslitum Þórð Skúlason BH eftir oddalotu 17-21, 21-9, 21-11 í einliðaleik drengja. Halla María Gústafsdóttir BH vann í einliðaleik telpna en hún mætti í úrslitum Ingibjörgu Rósu Jónsdóttur UMFS og vann 21-5 og 21-16. Í tvíliðaleik drengja unnu Bjarni Þór Sverrisson og Eysteinn Högnason TBR þá Andra Broddason og Einar Sverrisson TBR í úrslitum 21-14, 21-9. Í tvíliðaleik telpna unnu Halla María Gústafsdóttir og Una Hrund Örvar BH Björk Orradóttur og Evu Margit Atladóttur TBR 21-7, 21-12. Í tvenndarleik unnu Bjarni Þór Sverrisson TBR og Una Hrund Örvar BH eftir sigur á Brynjari Má Ellertssyni ÍA og Ingibjörgu Rósu Jónsdóttur UMFS 21-9, 21-12.

Í flokki U19 var keppt í einliða- og tvíliðaleik pilta. Einliðaleikinn vann Símon Orri Jóhannsson ÍA en hann vann í úrslitum Elvar Má Sturlaugsson ÍA 21-11, 21-18. Í tvíliðaleik pilta unnu Kristinn Berki Hauksson Aftureldingu og Þórður Skúlason BH. Keppt var í riðli í greininni.

Smellið hér til að sjá fleiri úrslit á Unglingamóti Aftureldingar. Næsta mót á Dominos unglingamótaröðinni er Jólamót unglinga 17. desember næstkomandi.

 

Skrifað 28. nóvember, 2016
mg