Drive 2 fer upp um eitt sæti í riðlinum

Magnús Ingi Helgason spilar með Drive 2 í vetur. Liðið er í riðli 4 í þriðju deild í Danmörku. Drive 2 mætti Holte 2 í fjórða leik vetrarins og burstaði leikinn 10-3. Magnús Ingi lék fyrsta tvenndarleik og fyrsta tvíliðaleik karla fyrir lið sitt.

Tvenndarleikinn lék hann með Lea Elm Jensen gegn Jesper Larsen og Kathrine Grandahl Hougaard. Þau unnu eftir oddalotu 21-15, 19-21, 21-14. Tvíliðaleikinn lék hann með Simon Vittov. Þeir mættu Mads Bøstrup og Lars Jungsberg. Magnús og Vittov unnu 21-18, 21-19.

Drive 2 vann auk leikja Magnúsar annan tvenndarleik, fyrsta einliðaleik kvenna, fyrsta, annan og fjórða einliðaleik karla og báða tvíliðaleiki kvenna og þriðja tvíliðaleik karla.

Smellið hér til að sjá fleiri úrslit viðureigna Drive 2 og Holte 2.

Eftir fjórðu umferð fer Drive 2 upp um eitt sæti og er nú í sjötta sæti riðilsins. Smellið hér til að sjá stöðuna í riðlinum.
Næsti leikur Drive 2 er laugardaginn 19. nóvember gegn Greve 3.

 

Skrifað 1. nóvember, 2016
mg