Drive áfram á toppi umspilsins

Magnús Ingi sem spilar með Drive. Liðið spilar nú í umspili um að komast upp í aðra deild en á haustönninni spilaði það í þriðju deild og vann riðilinn sinn þá. Drive mætti SAIF Kbh. um helgina og vann 9-4.

Magnús Ingi spilaði annan tvenndarleik og þriðja tvíliðaleik fyrir lið sitt. Tvenndarleikinn lék hann með Luise Saaby Rasmussen gegn Karsten Aagaard og Nadine Winckler Mørk. Magnús og Rasmussen töpuðu eftir oddalotu 21-16, 18-21 og 22-24. Tvíliðaleikinn lék hann með Thore Møller-Haastrup. Þeir mættu Kim Jørgensen og Kristian Simoni og unnu eftir oddalotu 19-21, 21-17 og 25-23.

Drive vann fyrri tvenndarleikinn, alla einliðaleiki karla, báða tvíliðaleiki kvenna og annan og þriðja tvíliðaleik karla.

Smellið hér til að sjá fleiri úrslit viðureignar Drive og SAIF Kbh.

Drive er á toppi umspilsins eftir þrjá leiki af fjórum í umspilinu. Smellið hér til að sjá stöðuna í riðlinum.

Síðasti leikur umspilsins er gegn Solrød Strand 4 laugardaginn 2. apríl.

Skrifað 14. mars, 2016
mg