Úrslit Landsbankamóts ÍA

Landsbankamót ÍA var haldið um helgina en mótið var hluti af Dominos unglingamótaröð Badmintonsambands Íslands og gaf stig á styrkleikalista unglinga. Keppt var í öllum greinum í aldursflokkum U13 til U19.
Sigurvegarar á mótinu voru eftirtaldir og úrslit úrslitaleikja:

Í flokki U13 sigraði Jón Hrafn Barkarson TBR eftir að hafa sigrað Steinþór Emil Svavarsson BH 21-15 og 21-15 í úrslitaleik í einliðaleik hnokka. Ragnheiður Birna Ragnarsdóttir TBR vann í úrslitum Júlíönu Karitas Jóhannsdóttur TBR í einliðaleik táta 21-10 og 21-7. Í tvíliðaleik hnokka unnu Guðmundur Hermann Lárusson og Jón Hrafn Barkarson TBR í úrslitum Hákon Daða Gunnarsson og Steinþór Emil Svavarsson BH eftir oddalotu 14-21, 21-8 og 21-13. Í tvíliðaleik táta unnu Júlíana Karitas Jóhannsdóttir og Sigurbjörg Árnadóttir TBR í úrslitum Karen Guðmundsdóttur BH og Maríu Rún Ellertsdóttur ÍA 21-15 og 21-16. Í tvenndarleik unnu Jón Hrafn Barkarson og Júlíana Karitas Jóhannsdóttir TBR í úrslitum Steinþór Emil Svavarsson og Lilju Berglindi Harðardóttur BH 21-17 og 21-8. Jón Hrafn vann því þrefalt á mótinu.

Í flokki U15 vann Brynjar Már Ellertsson ÍA í úrslitum Andra Broddason TBR í einliðaleik sveina 21-16 og 22-20. Karolina Prus KR vann Unu Hrund Örvar BH úrslitum eftir oddalotu 21-15, 16-21 og 22-20 í einliðaleik meyja. Í tvíliðaleik sveina unnu Brynjar Már Ellertsson ÍA og Magnús Daði Eyjólfsson KR en þeir unnu í úrslitum Magnús Má Magnússon og Sigurð Patrik Fjalarsson KR 21-7 og 21-8. Í tvíliðaleik meyja unnu Halla María Gústafsdóttur og Una Hrund Örvar BH eftir úrslitaleik gegn Karolinu Prus og Berglindi Magnúsdóttur KR 21-19 og 21-18. Í tvenndarleik unnu Brynjar Már Ellertsson ÍA og Ingibjörg Rósa Jónsdóttir UMFS en þau unnu í úrslitum Magnús Daða Eyjólfsson og Karolinu Prus KR 21-19 og 21-18. Brynjar Már vann þrefalt á mótinu.

Í flokki U17 vann Einar Sverrisson TBR í úrslitum Daníel Ísak Steinarsson TBR eftir oddalotu 13-21, 21-7 og 21-19 í einliðaleik drengja. Andrea Nilsdóttir TBR vann Þórunni Eylands TBR í úrslitum í einliðaleik telpna eftir oddalotu 20-22, 21-15 og 23-21. Í tvíliðaleik drengja unnu Daníel Ísak Steinarsson og Einar Sverrisson TBR Bjarna Þór Sverrisson og Eystein Högnason TBRí úrslitum eftir oddalotu 21-15, 19-21 og 21-15. Í tvíliðaleik telpna unnu Harpa Kristný Sturlaugsdóttir og Úlfheiður Embla Ásgeirsdóttir ÍA Sigríði Ásu Guðmarsdóttur og Sólrúnu Önnu Ingvarsdóttur TBS eftir oddalotu 25-23, 12-21 og 21-18. Í tvenndarleik unnu Einar Sverrisson og Þórunn Eylands TBR Daníel Ísak Steinarsson og Andreu Nilsdóttur TBR í úrslitum 21-10 og 21-7. Einar vann þrefalt á mótinu.

Í flokki U19 vann Davíð Bjarni Björnsson TBR en keppt var í riðli í einliðaleik pilta. Í einliðaleik stúlkna vann Arna Karen Jóhannsdóttir TBR en keppt var í riðli í greininni. Í tvíliðaleik pilta unnu Davíð Bjarni Björnsson og Pálmi Guðfinnsson TBR Elvar Má Sturlaugsson ÍA og Hauk Gylfa Gíslason Samherjum í úrslitum 21-13 og 21-19. Í tvíliðaleik stúlkna sigruðu Arna Karen Jóhannsdóttir og Margrét Nilsdóttir TBR Andreu Nilsdóttur TBR og Hörpu Hilmisdóttur BH 21-12 og 21-18. Í tvenndarleik í flokki U19 sigruðu Pálmi Guðfinnsson og Margrét Nilsdóttir TBR Davíð Bjarna Björnsson og Örnu Karen Jóhannsdóttur TBR eftir oddalotu 16-21, 21-19 og 21-18.

Smellið hér til að sjá fleiri úrslit á Landsbankamóti ÍA.

Næsta mót á Dominos unglingamótaröðinni er Íslandsmót unglinga sem fer fram á Akranesi helgina 11. - 13. mars næstkomandi. Smellið hér til að sjá styrkleikalista unglinga.

Skrifað 15. febrúar, 2016
mg