Taastrup Elite fellur niđur í fjórđa sćtiđ

Sjötti leikur dönsku þriðju deildarinnar var um helgina. Systkinin Drífa og Ragnar Harðarbörn spila með Taastrup Elite en liðið leikur í riðli fjögur í þriðju deild. Í deildinni eru fjórir riðlar. Taastrup Elite mætti í þessum leik Solrød Stand 4 og tapaði naumlega 6-7.

Drífa lék fyrsta tvenndarleik og fyrsta tvíliðaleik kvenna fyrir lið sitt. Ragnar lék fyrsta tvíliðaleik karla og annan tvenndarleik. Tvenndarleikinn lék Drífa með Thomas Laybourn en þau mættu Frederik Flindt og Dorte Steenberg og unnu 21-14 og 21-4. Tvíliðaleikinn lék hún með Katrine M. Hansen gegn Sarah Frederikke Vishart og Emelie Melgaard. Drífa og Hansen unnu 21-15 og 21-5.

Ragnar lék tvíliðaleik með Thomas Laybourn gegn Jakob Poulsen og Phillip Ørbæk. Ragnar og Laybourn eftir oddalotu 8-21, 21-19 og 18-21. Ragnar lék svo tvenndarleik með Mette Ring en þau mættu Jakob Poulsen og Louise Mikkelsen og töpuðu 9-21 og 10-21.

Taastrup Elite vann auk leikja Drífu báða einliðaleiki kvenna, fyrsta einliðaleik karla og annan tvíliðaleik karla.

Smellið hér til að sjá fleiri úrslit Taastrup Elite og Solrød Stand 4.

Eftir sjöttu umferð fellur Taastrup Elite í fjórða sæti úr því öðru. Smellið hér til að sjá stöðuna í riðlinum.

Næsti leikur liðsins er laugardaginn 19. desember næstkomandi gegn Holbæk 2.

Skrifađ 8. desember, 2015
mg