Værløse 2 áfram í fjórða sæti fyrstu deildarinnar

Tinna Helgadóttir spilar í vetur með Værløse 2 en liðið spilar í fyrstu deildinni í Danmörku. Liðið mætti Ikast í fjórða leik vetrarins. Værløse 2 tapaði 6-7.

Tinna spilaði annan tvenndarleik og annan tvíliðaleik kvenna fyrir lið sitt.

Tvenndarleikinn lék hún með Morten Estrup gegn Mathias L. Hansen og Malene Kæseler. Tinna og Estrup töpuðu 22-24 og 14-21. Tvíliðaleikinn lék Tinna með Anna Thea Madsen gegn Melene Kæseler og Karoline Synnestvedt. Tinna og Madsen unnu 21-15 og 21-11.

Værløse2 vann einnig fyrri tvenndarleikinn, báða einliðaleiki kvenna, annan einliðaleik karla og fyrsta tvíliðaleik karla.

Smellið hér til að sjá fleiri úrslit viðureignar Værløse2 og Ikast.

Eftir fjórðu umferð er Værløse 2 áfram í fjórða sæti deildarinnar með sjö stig. Smellið hér til að sjá stöðuna í deildinni.

Næsti leikur Værløse2 er gegn Solrød Strand 2 þriðjudaginn 17. nóvember.

Skrifað 25. oktober, 2015
mg