Taastrup Elite ßfram Ý ÷­ru sŠti ri­ilsins

Annar leikur dönsku þriðju deildarinnar var um helgina. Systkinin Drífa og Ragnar Harðarbörn spila með Taastrup Elite en liðið leikur í riðli fjögur í þriðju deild. Í deildinni eru fjórir riðlar. Taastrup Elite mætti í þessum leik SAIF Kbh. og vann 8-5.

Drífa lék fyrsta tvenndarleik og fyrsta tvíliðaleik kvenna fyrir lið sitt. Ragnar lék fjórða einliðaleik karla og þriðja tvíliðaleik karla.

Tvenndarleikinn lék Drífa með Thomas Laybourn en þau mættu Søren Tarp og Julie Helander og unnu 21-19 og 21-18. Tvíliðaleikinn lék hún með Katrine M. Hansen gegn Nadine Winckler Mørk og Julie Helender. Drífa og Hansen unnu eftir oddalotu 17-21, 21-12 og 21-12.

Ragnar lék einliðaleik gegn Kristian Simoni og vann eftir oddalotu 15-21, 21-14 og 21-17. Tvíliðaleik lék hann með Per Wedel Gerzymisch gegn Thomas Irving Pedersen og Kim Jørgensen. Þeir töpuðu þeim leik 10-21 og 14-21.

Taastrup Elite vann auk leikja Drífu og Ragnars annan einliðaleik kvenna, alla einliðaleiki karla og annan tvíliðaleik kvenna.

Smellið hér til að sjá fleiri úrslit Taastrup Elite og SAIF Kbh.

Eftir aðra umferð er Taastrup Elite í öðru sæti riðilsins á eftir Hvidovre 2 en bæði lið eru með fimm stig. Smellið hér til að sjá stöðuna í riðlinum.

Næsti leikur liðsins er laugardaginn 3. október næstkomandi gegn Slagelse.

Skrifa­ 21. september, 2015
mg