Haustmót KR er á sunnudaginn

Haustmót KR, sem er tvíliða- og tvenndarleiksmót, er á sunnudaginn í KR heimilinu við Frostaskjól. Leikið verður í meistaraflokki, A- og B-flokki.

Mótið er hluti af Dominosmótaröð Badmintonsambandsins og gefur stig á styrkleikalista. Mótið er lokahnykkurinn í þjálfaranámskeiði á vegum Badmintonsambandi Íslands en kennarar á því segja þjálfurum til á mótinu.

Keppendur eru 60 talsins frá fimm félögum, Aftureldingu, BH, ÍA, KR og TBR.

Mótið hefst klukkan 10:00 og búast má við að því ljúki um klukkan 16:00.

Smellið hér til að sjá niðurröðun og tímasetningar á Haustmóti KR.

Skrifađ 10. september, 2015
mg