Kristófer Darri og Margrét unnu Einliđaleiksmót TBR

Fyrsta mót Dominos mótaraðar BSÍ, Einliðaleiksmót TBR, var á föstudagskvöldið. Eingöngu var keppt í meistaraflokki í einliðaleik.

Sextán keppendur voru í karlaflokki og bar Kristófer Darri Finnsson TBR sigur úr bítum eftir að hafa unnið alla keppinauta sína fram að útslitaleik í tveimur lotum. Hann mætti Eiði Ísaki Broddasyni TBR í úrslitum og vann 21-19 og 21-11. Atli Jóhannesson TBR sem fékk röðun númer eitt dró sig út úr mótinu áður en það hófst. Athygli vakti góður árangur ungu leikmannanna í meistaraflokki en Pálmi Guðfinnsson TBR, Eiður Ísak og Kristófer Darri voru allir í undanúrslitum.

 

Kristófer Darri Finnsson og Eiður Ísak Broddason. Einliðaleiksmót TBR 2015

 

Smellið hér til að sjá úrslit leikja í einliðaleik karla.

Í einliðaleik kvenna voru átta keppendur skráðir til leiks. Sigurvegarinn í einliðaleik kvenna var Margrét Jóhannsdóttir TBR en hún sigraði í úrslitaleik Söru Högnadóttur TBR 25-23 og 21-16. Margrét vann einnig alla keppinauta sína í tveimur lotum.

 

Margrét Jóhannsdóttir og Sara Högnadóttir. Einliðaleiksmót TBR 2015

 

Smellið hér til að sjá fleiri úrslit í einliðaleik kvenna.

Næsta mót í Dominosmótaröðinni, Haustmót KR, er sunnudaginn 13. september en mótið er tvíliða- og tvenndarleiksmót.

Skrifađ 7. september, 2015
mg