Tinna er Íslandsmeistari í einliðaleik kvenna

Úrslitum í einliðaleik kvenna var að ljúka á Meistaramóti Íslands nú rétt í þesssu. Margrét Jóhannsdóttir TBR og Tinna Helgadóttir TBR léku til úrslita.

Tinna vann fyrstu lotuna eftir að hafa leitt leikinn í annars jafnri lotu en hún var yfir með tveimur stigum framan af allri fyrri lotunni. Lotunni lauk 21-18 fyrir Tnnu. Önnur lotan var mun auðveldari fyrir Tinnu sem vann hana 21-11.

 

Tinna Helgadóttir Íslandsmeistari í einliðaleik kvenna 2015

 

Tinna Helgadóttir TBR er Íslandsmeistari í einliðaleik kvenna.

Tinna hefur unnið Íslandsmeistaratitilinn þrisvar áður, árin 2009, 2013 og 2014. Þetta er því fjórði Íslandsmeistaratitill hennar. Tinna leikur einnig til úrslita í tvíliðaleik kvenna ásamt Drífu Harðardóttur ÍA gegn Elsu Nielsen og Rakel Jóhannesdóttur TBR.

Skrifað 12. apríl, 2015
mg