Íslandsmót unglinga er um helgina í TBR

Íslandsmót unglinga verður í TBR húsunum við Gnoðarvog um helgina. TBR heldur mótið þetta árið í samstarfi við Badmintonsamband Íslands.

Mótið hefst á laugardaginn, 7. mars, klukkan 9 með leikjum í fyrstu umferð í tvenndarleik í flokkum U13, U15, U17 og U19. Spilað verður fram í undanúrslit á laugardaginn en áætluð lok dagsins er um klukkan 17.

Keppendur eru 193 talsins frá 10 félögum, Aftureldingu, BH, Hamri, ÍA, KR, Samherjum, TBR, TBS, UMFS og UMF Þór. Spilaðir verða 389 leikir um helgina.

Mótsstjóri er Róbert Henn og mótsstjórn skipa Árni Gestur Sigfússon, Margrét Gunnarsdóttir, Sigfús Ægir Árnason og Þorkell Ingi Eriksson.

Á sunnudeginum hefst keppni klukkan 9 með undanúrslitaleikjum í einliðaleik. Flokkur U11 hefur keppni klukkan 11:30. Áætluð mótslok eru klukkan 16.

Smellið hér til að sjá niðurröðun og tímasetningar mótsins.

Athugið að tímasetningar geta breyst og mótið verður keyrt áfram eins og hægt er.

Prúðasta liðið fær bikar í lok mótsins.

 

Skrifað 4. mars, 2015
mg