KBK vann Greve 3 og er n˙ Ý ■ri­ja sŠti

KBK Kbh., liða Kára Gunnarssonar í dönsku þriðju deildinni, spilaði leik í umspili um hvaða lið komast upp í aðra deild um helgina gegn Greve 3 en liðið vann örugglega 10-3.

Kári lék fyrsta einliðaleik og annan tvíliðaleik karla fyrir lið sitt. Einliðaleikinn lék hann gegn Christoffer Elbrønd og vann 21-10 og 21-9. Tvíliðaleikinn lék hann með Mikkel Kærsgaard Henriksen og þeir unnu Christian Skov Rasmussen og Anders Holm 21-10 og 21-13.

KBK vann einnig alla einliðaleiki karla, báða tvenndarleikina, fyrsta tvíliðaleik kvenna og alla tvíliðaleiki karla.

Smellið hér til að sjá fleiri úrslit í viðureign KBK og Greve 3.

KBK er nú í þriðja sæti umspilsins. Smellið hér til að sjá stöðuna í umspilinu um að komast í aðra deild.

Næsti leikur KBK Kbh. er laugardaginn 7. mars gegn Solrød Strand.

Skrifa­ 23. febr˙ar, 2015
mg